భద్రకం.
రాముడా యతడు దేవుడే
ఏమి సందియము లేదులే
భూమిపై నిలుప ధర్మమున్
స్వామి తా నిలకు వచ్చెలే
ఈ భద్రకం అనే చిట్టిపొట్టి వృత్తానికి గురులఘుక్రమం UIUIIIUIU. గణవిభజన ర - న -ర. అంటే‌పాదానికి 9 అక్షరాలే అన్నమాట. అందుచేత యతిస్థానం ఉండదు. వృత్తం కాబట్టి ప్రాసనియమం ఉంటుంది. ఈ పద్యం నడక గణాంతాల్లో విరుపుతో ఉంటుంది.
ఈ భద్రకవృత్తానికి భద్రిక అనే పేరు కూడా ఉంది.
నాకు తెలిసి పూర్వకవి ప్రయోగాలు లేవు.
పై పద్యంలో నేను సరిపాదాలకు అంత్యప్రాసను కూర్చాను. కాని నియతంగా అంత్యప్రాసాదులు వాడవలసిన పని లేదనే అనుకుంటాను.
ఈ‌భద్రకం నడకను చూస్తే ఇది UIUIII - UIU అన్నట్లుగా ఉంది అంటే పాదాంతం లోని ర-గణం ముందు చిన్న విరుపు ఉందన్నమాట.
రాముడా యతడు - దేవుడే
ఏమి సందియము - లేదులే
భూమిపై నిలుప - ధర్మమున్
స్వామి తా నిలకు - వచ్చెలే
భద్రకాలు వ్రాయటం సులువు గానే కనిపిస్తోంది.
వీలైతే మీరూ కొన్ని భద్రకాలు వ్రాయండి.
కామెంట్‌లు లేవు:
కామెంట్‌ను పోస్ట్ చేయండి