సుకేసర.
విశదయశోనిధాను డగు వెన్ను డీధరన్
దశరథ సూనుడై వెలసి ధర్మవీరుడై
దశముఖ రాక్షసాధముని తాను జంపగా
దిశలను రేగి మ్రోగినవి దేవదుందుభుల్
ఈ సుకేసర వృత్తానికి పాదానికి 15 అక్షరాలు. దీని గణాలు న - జ - భ - జ - ర.
చప్పున చంపకమాల గుర్తువస్తున్నదా? సంతోషం. రావలసిందేగా మరి!
చంపకమాలకు గణాలు న - జ - భ - జ - జ - జ - ర అనేవి. సుకేసరకేమో న - జ - భ - జ - ర.
అంటే చంపకమాల పాదంలోనుండి చివరి రెందు జ-గణాలనీ తీసివేస్తే సుకేసర వృత్తం వస్తుంది.
యతిస్థానం 11వ అక్షరం. అంటే చంపకమాల లాగానే అన్నమాట.
వృత్తం కాబట్టి ప్రాసనియమం తప్పనిసరి.
ఈ సుకేశర వృత్తానికే ప్రభద్రకం అని మరొక పేరు కూడా ఉన్నది.
నా కైతే యతివిషయంలో కొంత ఆసంతృప్తి ఉన్నది ఈ వృత్తం నదకను చంపకమాలలాగా చూడకూడదు. అందుచేత యతిస్థానం 11వ అక్షరం అని చంపకమాలకు లాగా వేయటం సబబు కాదు. ఈ వృత్తానిది వేరే నడక.
నడక ప్రకారం దీని గణ విభజన (నల) - (ర) - (న - హ) - (ర). అందుచేత ఈ వృత్తానికి నిజంగా శోభించే యతిస్థానం 8వ అక్షరం అవుతోంది ఈనడకకు.
నేను చూపిన నడక ప్రకారం చూస్తే పై సుకేసర వృత్తం ఇలా ఉంటుంది.
విశదయ - శోనిధా - నుడగు వెన్ను - డీధరన్
దశరథ - సూనుడై - వెలసి ధర్మ - వీరుడై
దశముఖ - రాక్షసా - ధముని తాను - జంపగా
దిశలను - రేగిమ్రో - గినవి దేవ - దుందుభుల్
ఈ సుకేసర వృత్తం నా దృష్టిలో ఐతే చాలా అందమైన వృత్తం.
కామెంట్లు లేవు:
కామెంట్ను పోస్ట్ చేయండి